Ушбу машина Ҳитлер учун унинг истаклари ва шахсий ҳайдовчиси Эрих Кемпкнинг талаблари асосида махсус яратилган. Автомобиль 30 миллиметрли зирҳланган олд ойна, кучайтирилган кузов панеллари ва пол, салоннинг орқа қисми устидан махсус ҳимоя секцияси билан жиҳозланган. Бу секцияни кўтариб-тушириш мумкин.
Ҳаммаси бўлиб бундай машинадан 203 дона ишлаб чиқарилган. Айни вақтда дунёда бу автомобилдан 5 донагина сақланиб қолган, улардан учтаси хусусий коллекцияларда сақланади. Бундай машиналардан ўз вақтида Япония императори Хирохито, Норвегия қироли, диктаторлар Антониу ди Салазар ва Франсиско Франко фойдаланган.
Автомобил 7,7 литрли, 8 цилиндрли, 230 от кучига эриша оладиган двигатель, 5 поғонали механик узатмалар қутиси билан жиҳозланган.
Ҳитлернинг “Мерседес”и 1945 йилда америкалик ҳарбийлар қўлига тушган ва АҚШга жўнатилган. Машина бир неча марта сотувга қўйилган. Машина ўз вақтида Лас-Вегасдаги Imperial Palace казиноси коллекциясида сақланган ва Чикагодаги музейда томошага қўйилган.
Машинани неча пулга сотиш мўлжалланаётгани бўйича аниқлик киритилмаган. Бироқ шу маълумки, уни сотишдан олинадиган маблағнинг 10 фоизи Холокост масалалари билан шуғулланувчи таълим ва жамоат ташкилотларига ўтказилади.
