Pekin BMT Xavfsizlik Kengashi sanksiyalari ostida bo‘lgan Shimoliy Koreyaga neft va neft mahsulotlari yetkazib berayotganini rad etib chiqdi. Bu haqda Reuters Xitoy TIVga tayangan holda xabar bermoqda.
Kuni kecha AQSh prezidenti Donald Tramp Pekin tomonidan KXDRga neft importi qo‘llab-quvvatlanayotganidan afsusda ekanini ma'lum qilgandi.
«Xitoy BMT Xavfsizlik Kengashining Shimoliy Koreyaga nisbatan qaratilgan rezolyutsiyalarini har doim bajargan va barcha xalqaro majburiyatlarga rioya etib kelgan. Biz xitoylik kompaniyalar va fuqarolarga rezolyutsiyani buzishga hech qachon yo‘l qo‘ymaganmiz», - deya aytib o‘tdi Xitoy TIV vakili Xua Chunin.
Uning so‘zlariga ko‘ra, agarda surishtiruv davomida bu buzilishlar tasdiqlansa, Xitoy vaziyatni qonunlarga muvofiq hal qiladi.
