O‘zbekiston aviasanoati mutaxassislari Samara universitetida tahsil oladi

O‘zbekiston texnik mutaxassislarini Rossiya aviasanoati bilan birgalikdagi ishlar uchun tayyorlash bilan Samara milliy tadqiqot universiteti o‘qituvchilari shug‘ullanadi. Bu haqda Rossiya OAV xabar bermoqda.

RF bosh vaziri o‘rinbosari Dmitriy Rogozin Rossiya aviasanoati bilan ishlar uchun o‘zbek mutaxassislarini tayyorlaydigan OTM nomini ma'lum qildi. Bu haqda siyosatchi ijtimoiy tarmoqda yozgan.

«O‘zbekiston texnik mutaxassislarini Rossiya aviasanoati bilan qo‘shma ishlar uchun tayyorlash bilan akademik S.P.Korolyov nomidagi Samara milliy tadqiqot universiteti o‘qituvchilari shug‘ullanishga tayyorlar», - deya yozgan u.

Avvalroq, O‘zbekiston prezidenti Shavkat Mirziyoyev 2018 yilda respublikada aviatsiya sanoatini shakllantirish va aerokosmik sanoatni yaratish bo‘yicha vazifa topshirgani ma'lum qilingandi. Loyiha 2035 yilga qadar mo‘ljallangan.