London derbisida g‘olib aniqlanmadi

«Chelsi» va «Arsenal» o‘rtasida Angliya Ligasi Kubogining yarim finali doirasidagi birinchi uchrashuv bo‘lib o‘tdi. Londondagi «Stemford Brij» stadionida kechgan uchrashuvda g‘olib aniqlanmadi - 0:0.

O‘yinning birinchi bo‘limi davomida raqiblar teng o‘yin ko‘rsatishdi. Ikki jamoa ham yaxshi himoyalandi va hujumlar uyushtirishda muammolarga duch keldi. Bo‘lim davomida golli vaziyatlar deyarli bo‘lmadi.

Tanaffusdan keyin mezbonlar to‘pga egalik qilishdi, ammo muxlislar gol ko‘rishmadi.

Bu jamoalarning javob uchrashuvi 24 yanvar kuni «kanonirlar» maydonida bo‘lib o‘tadi.

Angliya ligasi Kubogi 
1/2 final
Birinchi uchrashuvlar
Chelsi – Arsenal 0:0 (0:0, 0:0)
Chelsi – Kurtua, Aspilikueta, Kristensen, Ryudiger, Mozes, Azar (Bakayoko, 84), Fabregas, Kante, Drinkuoter (Villian, 68), Alonso, Morata (Batshuayi, 87).
Arsenal – Ospina, Mustafi, Holding, Belerin, Chembers, Uilsher (El-Nenni, 57), Meytlend-Naylz, Chaka, Ivobi, Uelbek, Lyakazett (Sanches, 66).
Ogohlantirishlar: Chaka (51), Kante (79), El-Nenni (86).