8395.15 USD -6.38

9510.03 EUR -113.08

127.67 RUB -0.68

10869.2 GBP -122.52

14:40 / 15.01.2018 35681

179 минг долларлик торт: Куёв – чимкентлик олигархнинг набираси, келин – Назарбоевнинг қариндоши

Фото: Instagram/Renat_Agzamov

Қозоғистоннинг Чимкент шаҳридаги Rixos меҳмонхонасида 14 январь куни жуда ҳашаматли тўй бўлиб ўтгани, унга нархи 179 минг долларлик торт тайёрлангани ҳақида хабар берилганди.

Маълум бўлишича, Чимкентда маҳаллий олигарх Серикжан Сейтжановнинг набираси – Амиржон ҳамда қозоғистонлик тадбиркор, Қозоғистон президентининг қариндоши Қайрат Сотиболдининг қизи – Аружаннинг тўйи бўлиб ўтган.

Куёвнинг бобоси Серикжан Сейтжанов, қозоғистонлик олигарх, Forbes Қозоғистон рўйхатида 18-ўринни эгаллайди. Унинг бойлиги 296 млн долларга баҳоланади.

Келиннинг отаси Қайрат Сотиболди эса 1970 йилда Олмаотада туғилган. У Қозоғистон президенти Нурсултон Назарбоевнинг ўртанча акасининг ўғлидир. Сотиболди Абишевич Назарбоев 1981 йилда автоҳалокат натижасида ҳаётдан кўз юмган.

Аввалроқ, Чимкентдаги тўй учун россиялик қандолатчи Ренат Агзамов томонидан нархи 179 минг доллар бўлган, баландлиги 4,2 метр келувчи торт тайёрлангани хабар қилинганди. 

Top