Marsdagi hayot uchun yadro reaktori sinovdan o‘tkazildi

AQShning Nevada shtatida Kilopower kichik yadroviy reaktor muvaffaqiyatli sinovdan o‘tkazildi, u kelajakda Marsdagi ilk turar-joylarni energiya bilan ta'minlashi mumkin. NASA vakillari Las-Vegasdagi anjumanda loyiha tafsilotlari haqida ma'lumot berishdi, deb xabar qilmoqda Reuters.

«Kilopower kichik o‘lchamlari va quvvati bizga bir necha blokni bitta kemada yetkazish hamda o‘nlab kilovatt quvvat generatsiyasini ta'minlash imkonini beradi», - deya aniqlik kiritib o‘tdi NASA direktorining kosmik texnologiyalar bo‘yicha o‘rinbosari Stiv Yurchuk.

Loyiha muallifining so‘zlariga ko‘ra, reaktor Stirling dvigateli prinsipiga asoslangan va kam harakatlanuvchi qismlarga ega. Reaktorning uran-235ga ega eng faol zonasi qo‘lni artadigan sochiq o‘rami hajmiga ega, rejalarga ko‘ra, reaktorning keng ko‘lamli tajribalari mart o‘rtalarida boshlanadi. Bir reaktorning quvvati 1-10 kVt.ni tashkil etadi, Mars yuzasidagi odamlar bo‘ladigan stansiyaning to‘laqonli ishlashi uchun shunday qurilmalardan 4-5 tasini ishga tushirish lozim.