Meksikadagi yo‘lda 300 ta o‘lik akula topildi

Meksikaning Michoakan shtatidagi shosse (asfalt, beton kabilar yotqizilgan katta yo‘l)da mahalliy fuqarolar 300 ta o‘lik akulani topishdi. Bu haqda Fox News xabar tarqatdi.

Ta'kidlanishicha, akulalarning suzgichlari (suv hayvonlarining suzish organi) kesib olingan bo‘lgan.

Politsiya ma'lumotlariga ko‘ra, noqonuniy ravishda yuk olib ketayotgan mashinaga hujum qilishgan. Jinoyatchilar avtomobilni olib qochishgan, akulalarni esa yo‘lning o‘ziga tashlab ketishgan.

Xabar qilinishicha, Meksikada akulalarga faqat suzgichlari uchun ov qilinadi, ular oshpazlik va noan'anaviy tibbiyotda qo‘llaniladi.