O‘zbekiston Respublikasi Tashqi ishlar vazirligi rahbari Abdulaziz Komilovga yangi birinchi o‘rinbosar tayinlandi. Bu haqda TIV axborot xizmati xabar berdi.
Qayd etilishicha, 2018 yilning 5 fevral kuni O‘zbekiston Respublikasi Tashqi ishlar vazirligi hay'atiga vazirning birinchi o‘rinbosari etib tayinlangan Botirjon Asadov tanishtirilgan.
Botirjon Asadov bunga qadar O‘zbekiston Savdo-sanoat palatasi raisi Adham Ikromovning o‘rinbosari sifatida ishlagan. Undan avval esa O‘zbekistonning Koreya Respublikasidagi elchisi, O‘zbekiston Respublikasining XXRdagi elchixonasi maslahatchisi sifatida xizmat qilgan.
