Olimpiada o‘tayotgan Pyongchangda harorat keskin sovib ketishi aytildi

Kelayotgan haftada Janubiy Koreyaning Pyongchangida havo harorati keskin sovib ketadi. Bundan ushbu shaharda o‘tayotgan Olimpiada tashkilotchilari ogohlantirishgan. Tashkiliy qo‘mita vakili Son Pek Yuning aytishicha, termometr ko‘rsatkichi 25 daraja sovuqqacha tushib ketadi. 

U Olimpiada ishtirokchilari va mehmonlarni issiqroq kiyinishga chaqirgan.

“Kuchli shamol 14 fevralgacha saqlanib qoladi, so‘ngra harorat 25 daraja sovuqqacha tushib ketishi mumkin. Shamol tezligi 5-10 m/s bo‘lishi mumkin”, deb aytgan Yu.

10 fevralda shamol sababli erkaklar o‘rtasida chang‘i sportining tez tushish yo‘nalishi bo‘yicha musobaqalar boshqa kunga ko‘chirilgandi.