Forbes ilk bor Pavel Durovni dollarli milliarder deb atadi

Foto: Jim Wilson/The New York Times

«VKontakte» va Telegram asoschisi Pavel Durovning boyligi taxminan 1,7 mlrd dollarga baholanmoqda, deb xabar berdi Forbes jurnali. 2017 yilgi reytingda bu ko‘rsatkich 950 mln dollarni tashkil qilgan.

«Hattoki Forbes’ning eng konservativ hisob-kitoblariga ko‘ra, Telegram 1 mlrd dollardan ko‘proq turadi, uning asoschisi Pavel Durov esa – dollarli milliarder», - deyiladi Forbes materialida. Matn mualliflarining fikricha, Durovning boyligi yanada ko‘payishi mumkin – jumladan, Telegram uchun TON blokcheyn-platformasi ishga tushirilishi hisobidan.

Forbes’ning milliarderlar rasmiy ro‘yxatiga Durov hozircha kiritilmagan.