Yevropadagi eng istiqbolli shahar nomi ma'lum qilindi

Moskva Sharqiy Yevropaning investorlar nuqtai nazaridan eng jozibador shahriga aylandi. Rossiya poytaxti butun Yevropada jozibadorlik bo‘yicha oltinchi bo‘ldi. Birinchi o‘rinni London qo‘lga kiritdi. Financial Times FDi Intelligence kompaniyasi reytingni tuzishda shaharlarni yaqin ikki yil ichidagi rivojlanish istiqbollarini hisobga olgan holda baholadi.

Butun Yevropa bo‘ylab «kelajak shaharlari» ro‘yxatida London bir necha yildan beri yetakchilik qilmoqda. Shuningdek, Dublin, Parij, Amsterdam va Myunxen kuchli beshlikdan joy oldi. Sharqiy Yevropaning sarmoya kiritish jihatidan eng jozibador top-5 shahri orasida, Moskvadan tashqari, Varshava, Buxarest, Praga hamda Bratislava bor.

Kompaniya reytingni tuzishda shaharlarni 100 dan ortiq mezon bo‘yicha baholadi – shaharlar yalpi ichki mahsuloti, hayot davomiyligi, oliy ma'lumotga ega fuqarolar soni, yo‘l va temir yo‘l infratuzilmasi rivoji, ofis binolari ijarasi, internet va boshqa ko‘plab ko‘rsatkichlar.