«Buxoro» klubi yangi futbolchilarni tanishtirish marosimini o‘tkazdi.
Tadbir Buxoro viloyati musiqali drama teatrida tashkil etildi.
Unda Buxoro viloyati hokimi, viloyat futbol federatsiyasi raisi Barnoyev O‘ktam Isoyevich so‘zga chiqib, «Buxoro» klubi yangi mavsumda chempionlik uchun kurashishini aytib o‘tdi. Shundan so‘ng, jamoa bosh murabbiyi Ulug‘bek Baqoyev so‘z olib, mavsumga tayyorgarlik jarayonlari haqida va mavsum rejalari haqida so‘zlab berdi.
Tadbirning asosiy qismida yangi kelgan futbolchilar tanishtirildi. Ular: Sergey Rusetskiy, Arslanmurat Amanov, Marko Klisura, Asilbek Amonov, Aziz Ibragimov, Rahmatillo Berdimurodov, Shahboz Erkinov, Shavkat Salomov, Shavkat Mullajonov, Baxodir Nasimov.
Futbolchilarga klub futbolkalari tantanali ravishda topshirildi.
