«Real» hujumchisi Krishtianu Ronaldu Ispaniya chempionatining 27-turida «Xetafe»ga qarshi kechgan va 3:1 hisobidagi g‘alaba bilan yakunlangan o‘yinda dubl qayd etdi.
Birinchi gol uning primera o‘yinlaridagi 300-goliga aylandi. U endi Ispaniya chempionati o‘yinlarida bu dovonni zabt etgan ikkinchi futbolchi. Ispaniya chempionatida avvalroq to‘p surishni boshlagan «Barselona» hujumchisi Lionel Messi 372 gol urib ulgurgan (408 o‘yinda).
Ronaldu 300 gol uchun 286 o‘yin o‘tkazdi, Messi bu natijaga 334 o‘yinda erishgandi.
Ronaldu joriy mavsumda 20 o‘yinda 15 gol urdi.
Ayni vaqtda Ispaniya chempionatining to‘purarlari uchligini Telmo Sarra yakunlab turibdi, u 1940-1955 yillar mobaynida 251 gol urgan. Hozirda faoliyatini davom ettirayotgan futbolchilardan faqat bir futbolchi «Atletik» hujumchisi Arits Aduris 150dan ortiq gol urishga erishgan (154).
