Tramp AQShda koinot qo‘shinlari yaratilishi mumkinligini ma'lum qildi 

AQSh prezidenti Donald Tramp AQShda yangi qo‘shinlar turi – koinot qo‘shinlari yaratilishi mumkinligini ma'lum qildi.

“Mening koinot bo‘yicha yangi milliy strategiyam koinotda yer, havo va suvdagi kabi jangovar harakatlar amalga oshirilishi mumkinligini tan oladi. Bizda hattoki koinot kuchlari bo‘lishi mumkin. Bizda havo, quruqlikdagi kuchlar, flot va koinot kuchlari bo‘ladi”, deb aytgan Tramp.

Uning aytishicha, u dastlab bu g‘oyani jiddiy qabul qilmagan, biroq keyin bu g‘oya “ajoyib” degan fikrga kelgan. “Balki bizga buni qilish kerakdir. Bu yuz berishi mumkin”, deb qo‘shimcha qilgan Tramp.

Avvalroq Pentagon va AQSh harbiy-havo kuchlari vakillari yangi qo‘shinlar turi yaratilishiga qarshi chiqishgandi, chunki ularning fikricha, bu qo‘shinlardan ko‘riladigan ehtimoliy foyda ularni yaratish uchun katta ko‘lamli tashkiliy o‘zgarishlarni oqlamaydi. 

AQSh boshqa davlatlar kabi turli hujumkor va mudofaa koinot tizimlarini rivojlantirib keladi. AQShda harbiy sun'iy yo‘ldoshlardan tashqari, uchuvchisiz koinot samolyoti mavjud bo‘lib, uning parvozlari o‘ta maxfiylashtirilgan.