Tokio markazida kinofilmlardan bo‘lgan bahaybat mutant-maxluq Godzillaga haykal o‘rnatildi. Bu haqda Kyodo xabar bermoqda.
Ta'kidlanishicha, haykalning balandligi taxminan 2,5 metr keladi. Haykal o‘rnatilgan maxsus asosda shunday yozuv bor: «Endi insoniyat Godzilla bilan birga yashashga majbur». Bu ibora bahaybat maxluq to‘g‘risidagi eng so‘nggi film - «Godzilla: Uyg‘onish»dan olingan, u 2016 yilda katta ekranlarga chiqqandi.
Yaponiyada 1954 yilning 3 noyabr kuni Godzilla haqidagi birinchi film prokatga chiqqan – u Tinch okeani tubida ko‘p asrlik uyqudan so‘ng uyg‘ongan bahaybat mutant-maxluq bo‘lib, shaharlarni vayron etish hamda odamlarni o‘ldirishni boshlagan.
Ta'kidlanishicha, bu maxluq taxminan 50ta film va videoo‘yin qahramoniga aylandi, uning obrazi esa ommaviy madaniyatdagi eng taniqlilardan biri sanaladi.
