Marten Furkad biatlonda mutlaq rekord o‘rnatdi

Fransiyalik biatlonchi Marten Furkad ketma-ket yettinchi marta biatlon bo‘yicha Jahon kubogida bosh sovrinni qo‘lga kiritdi.

Bu natija orqali 29 yoshli sportchi norvegiyalik afsonaviy biatlon ustasi Ule Eynar Byorndalenning natijasini yangiladi. Byorndalen shu paytgacha 6 karra jahon kubogi bosh sovrini —billur globus sohibi bo‘lgandi. O‘tgan yilgi mavsumda u bu rekordni takrorlagandi.

Furkad joriy mavsumda o‘tkazilgan 20ta bosqich poygalarida biror marta ham kuchli uchlikni tark etmadi. Ularning 11tasida g‘alaba qozondi.

Rossiyaning Tyumen shahrida davom etayotgan Jahon kubogining so‘nggi bosqichi, so‘nggi kundagi mass-start (ommaviy start) poygalari oldidan 1116 ochko to‘plab, umumiy reytingdagi asosiy raqibi Yohannes Byoni 92 ochkoga ortda qoldirib ketdi vva muddatidan oldin bosh sovrinni qo‘lga kiritdi.