8–10-oktabr kunlari Toshkent shahrida suzish boʻyicha jahon kubogi musobaqalarining ikkinchi bosqichi boʻlib oʻtadi.
Jahon suv sportlari federatsiyasi tomonidan tashkil etilayotgan uch bosqichli musobaqalarda 50 dan ziyod davlatdan 750 nafardan ortiq erkak va ayol sportchilar ishtirok etadi.
Musobaqa sovrin jamgʻarmasi 1,2 mln AQSH dollarini tashkil etadi.
Mazkur musobaqa “Ipak yoʻli” turining bir qismi hisoblanib, sportchilar uchun Pekin shahrida boʻlib oʻtadigan suzish boʻyicha XVIII jahon chempionatiga tayyorgarlik vazifasini ham oʻtaydi.
Toshkent 2017 va 2018-yillarda badiiy suzish boʻyicha jahon kubogi musobaqalariga mezbonlik qilgandi.
