Illyustrativ foto / npu.gov.ua
Toshkent shahrining Uchtepa tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Qayd etilishcha, noma'lum shaxs 31-dahada joylashgan 295-sonli o‘rta maktab binosi oldida shu dahada yashovchi, 1986 yilda tug‘ilgan D.R.ning bo‘ynidan umumiy qiymati 2.500.000 so‘mlik zanjirini tortib olib ketgan.
Ko‘rilgan choralar natijasida ushbu jinoyatni Yunusobod tumani Tosh GRES ko‘chasida yashovchi, 1988 yilda tug‘ilgan F.O. sodir etganligi aniqlanib qo‘lga olingan.
