Rossiya Britaniyani rossiyaliklar xavfsizligini ta'minlay olmaslikda aybladi

Rossiya TIVning ma'lum qilishicha, Britaniya hukumati o‘z hududida rossiyaliklar xavfsizligini ta'minlashga qodir emas. Bu haqda idora saytida aytiladi.

«Britaniya hukumati o‘z hududida rossiyalik fuqarolar xavfsizligini ta'minlashga qodir emasligini bir necha marta ko‘rsatib berdi. Xususan, bunga Rossiya FXX sobiq xodimi Aleksandr Litvinenkoning zaharlanishi, rossiyalik tadbirkorlar Badri Patarkatsishvili hamda Aleksandr Perepilichniy sirli o‘limi, Boris Berezovskiyning shubhali ravishda «o‘z joniga qasd qilishi» va uning hamkori Nikolay Glushkovning bo‘g‘ib o‘ldirilishi, shuningdek, Sergey Skriral hamda uning qizi Yuliya Skripalga uyushtirilgan hujum misol bo‘la oladi», - deyiladi xabarda.

Eslatib o‘tamiz, avvalroq Skotland-Yard Londonda «Aeroflot» bosh direktori sobiq o‘rinbosari Nikolay Glushkovning o‘limi va Solsberida GRU sobiq polkovnigi Sergey Skripal zaharlanishi o‘rtasida bog‘liqlikni ko‘rmayotgani xabar berilgandi.