24-avgust kuni Kiyevda «Köngillilar koalitsiyasi» yetakçilarining navbatdagi yiğilişi bölib ötdi. Uçraşuv Ukraina mustaqilligining 35 yilligi munosabati bilan taşkil etildi.
Ayrim davlatlar rahbarlari Kiyevga şaxsan taşrif buyurgan bölsa, boşqalar muzokaralarda videokonferensiya orqali iştirok etdi.
Yiğiliş yakunida koalitsiya aʼzolari Rossiya harbiy agressiyasiga qarşi kuraşayotgan Ukrainani qöllab-quvvatlaş böyiça keyingi qadamlarni kelişib oldi.
Qöşma bayonotda iştirokçilar Rossiyaning Ukraina şaharlari, muhim infratuzilma obyektlari va tinç aholiga qarşi «tizimli va tobora kuçayib borayotgan zarbalarini» keskin qoraladi.
Şuningdek, Ukraina madaniy obyektlariga, jumladan Kiyev-Peçersk lavrasiga berilgan zarbalar alohida tilga olingan.
Hujjatda Ukraina BMT Nizomining 51-moddasi va xalqaro huquqqa muvofiq Rossiya agressiyasidan özini himoya qiliş huquqiga ega ekani yana bir bor taʼkidlangan.
Koalitsiya aʼzolari Rossiya tomonidan bildirilayotgan tahdidlar ularni Ukrainani qöllab-quvvatlaşdan voz keçişga majbur qila olmasligini ham qayd etgan.
Ukraina havo mudofaasi kuçaytiriladi
Kiyev ittifoqçilari Ukrainaga harbiy yordam hajmini oşiriş niyatini bildirdi. Asosiy eʼtibor mamlakatning havo hujumidan mudofaa tizimini mustahkamlaşga qaratiladi.
Şuningdek, Ukraina mudofaa sanoati bilan hamkorlikni kengaytiriş va harbiy texnologiyalar almaşinuvini kuçaytiriş rejalaştirilgan. Bu işlar, jumladan, raketaga qarşi mudofaa koalitsiyasi orqali amalga oşiriladi.
Ittifoqçilar Rossiya harbiy-sanoat majmuasiga qarşi sanksiyalarni ham kuçaytirmoqçi. Moskvaga mavjud çeklovlarni çetlab ötişda yordam berayotgan kompaniyalar, taşkilotlar va boşqa subyektlarga nisbatan ham qöşimça çoralar körilişi rejalaştirilgan.
Ukraina energetikasi qişga tayyorlanadi
Uçraşuvda Ukraina energetika tizimini yaqinlaşayotgan qiş mavsumiga tayyorlaş masalasiga ham alohida eʼtibor qaratildi.
Qöşma bayonotda Ukraina energetika sohasiga zudlik bilan yordam körsatiş zarurligi taʼkidlangan.
