Bo‘stonliqda ota o‘g‘lini pichoqladi

Toshkent viloyatining Bo‘stonliq tumanida pichoqbozlik ro‘y berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 27 mart kuni soat 12.30larda, “S.Rahimov” mahallasi Amangeldi ko‘chasida yashovchi, xususiy tadbirkor, 1964 yilda tug‘ilgan K.A. G‘azalkent shahar Turkiston ko‘chasida joylashgan oshxona omborxonasida o‘zaro janjal oqibatida birga yashovchi o‘g‘li, 1986 yilda tug‘ilgan K.K.ning qorniga pichoq bilan urib jarohat yetkazgan. 

Natijada K.K. kasalxonaga yotqizilgan. K.A. qo‘lga olingan.