DxOMark nufuzli resursi eng yaxshi mobil kameralar reytingini yangiladi va ilk ikki o‘rinni Huawei P20 Pro va Huawei P20 flagmanlariga berdi.
Huawei P20 Pro — 109 ball
- Uch kamera:
- 40 megapikselli RGB-sensor, f/1,8 diafragma va 27 mm fokus masofali obektiv;
- 20 megapikselli monoxrom sensor, f/1,6 diafragma va 27 mm fokus masofali obektiv;
- 8 megapikselli RGB-sensor, f/2,4 diafragmali va 80 mm fokus masofali, shunindek, optik stabilizatsiyali teleobektiv.
- 40 Mp sensorda fazaviy avtofokus;
- 4K videos'yomka rejimi;
- 720p o‘lchamli soniyasiga 960 kadr chastotali tezlashtirilgan s'yomka.
Smartfon qolgan barcha flagmanlarni kamida 10 ochkoga ortda qoldirib, birinchi o‘rinni egalladi. Monoxrom datchikli asosiy va qo‘shimcha modul hatto yorug‘lik yetarlicha bo‘lmagan inshootlarda ham yuqori tasvir sifati bilan ta'minlaydi. Huawei P20 Pro o‘zining teleobektivi va monoxrom sensori sharofati bilan obektlarni uzoq masofadan ham sifatni yo‘qotmay suratga olish imkonini beradi.
Bu smartfonda videoga olish ham suratga olishdek yoqimli. Ajoyib optik stabilizatsiya, yaxshi avtofokus va juda past shovqin darajasi sizni sifatli videotasvir bilan ta'minlaydi. Videos'yomka sifati uchun 98 ball olgan Huawei P20 Pro smartfoni Google Pixel 2'ni ortda qoldirishga muvaffaq bo‘ldi.
Shu tariqa, Xitoy flagmani bozordagi eng yaxshi universal mobil qurilma, deb topildi.
