Apple kompaniyasi 9-sentabr kuni yangi iPhone 18 Pro va 18 Pro Max modellarini taqdim etdi.
Smartfonlar toʻrt xil rangda: kumushrang, toʻq kulrang, och koʻk va Apple uchun mutlaqo yangi boʻlgan, kompaniya «Dark Cherry» deb ataydigan olcha rangida chiqariladi. Bu rang iPhone 17 Pro’dagi «Cosmic Orange» rangining oʻrnini egallaydi.
Olcha rang (burgundi) yangi turkumning asosiy flagman rangi boʻladi.
Yangi Pro modellarining asosiy xususiyatlari
- A20 Pro chipi.
- iPhone tarixidagi «eng katta sigʻimli akkumulyator».
- Oʻzgaruvchan diafragmali kamera.
- Toʻrtta rang: olcha, kumush, qora va kulrang.
iPhone 18 Pro’dagi yangi avlod 2 nm protsessorlari
- 6 yadroli markaziy protsessor (CPU)
- 7 yadroli grafik protsessor (GPU) – A19 Pro chipidan 40% tezroq.
- Sunʼiy intellekt vazifalari uchun 32 yadroli Neural Engine.
- Tezkor xotiraning oʻtkazuvchanlik qobiliyati 50% ga oshdi.
- Tezkor xotira chipning oʻziga integratsiyalangan.
Avtonomlik sezilarli darajada oshirildi
- iPhone 18 Pro endi 17 Pro Max kabi, yaʼni 36 soatgacha quvvatini saqlay oladi.
- iPhone 18 Pro Max esa yanada uzoqroq – 45 soatgacha ishlaydi.
- Quvvatlash tezligi ham oshdi: 15 daqiqada 50% ga quvvatlanadi yoki 5 daqiqalik quvvat bilan 6 soat video tomosha qilish mumkin.
iPhone 18 Pro kamerasi oʻzgaruvchan diafragmaga ega boʻldi
Apple bu «soʻnggi yillardagi eng yirik kamera yangilanishi» ekanini aytmoqda. iPhone 18 Pro va Pro Maxʼning asosiy kamerasi 48 megapikselli sensor va oltita yupqa parrakchali oʻzgaruvchan diafragma mexanizmi bilan jihozlandi.
Yorugʻlik kam sharoitda diafragma avtomatik tarzda ochilib, koʻproq nur oʻtkazadi. Bu tungi suratlarning sifatini yaxshilashi va tungi rejimning ishlashini tezlashtirishi kerak.
