Minskda MDH TIV rahbarlari yig‘ilishi ochildi

Minskda juma kuni MDH tashqi ishlar vazirlari Kengashi majlisi boshlandi. Bu haqda TASS xabar bermoqda. Ochilishdan avval Belarus TIV rahbari va Ijroiya qo‘mitasi raisi – MDH ijrochi kotibi Sergey Lebedev delegatsiyalar rahbarlarini qutladi.

Belarus poytaxtidagi uchrashuvda vazirlar xalqaro va mintaqaviy muammolar, huquqni muhofaza qilish, madaniy-gumanitar hamda harbiy sohalardagi hamkorlikni chuqurlashtirish istiqbollarini muhokama etadi. Kun tartibida hammasi bo‘lib 13 masala bor.

Yig‘ilish yakunlari bo‘yicha tasdiqlangan qator hujjatlar 2018 yilda MDH hukumat rahbarlari Kengashi va davlat rahbarlari Kengashiga ko‘rib chiqish uchun kiritiladi.