Foto:R-Sport - RIA Novosti
AQShning Atlanta shahrida amerikalik bokschi Floyd Meyvezerning korteji noma'lum kishilar tomonidan o‘qqa tutildi. Taxmin qilinishicha, 3 mashinadan iborat kortejdagi mashinalardan birida Meyuezer bo‘lgan. Bu haqda Atlanta Journal-Constitution xabar qildi.
Politsiya ma'lumotlariga ko‘ra, kortej tungi klubdan mehmonxonaga qaytayotgan bo‘lgan. Otishma oqibatida bokschining tansoqchilaridan biri oyog‘idan jarohat olgan. U shifoxonaga yetkazilgan. Politsiya bosqinchilarni qidirmoqda.
“Biz Meyvezer mashinalardan birida bo‘lgan va yaralanmagan, degan fikrdamiz. Bu otishma tasodifiy bo‘lmaganga o‘xshamoqda”, deb ma'lum qilingan politsiyada.
