Chempionlar Ligasi yarimfinal bosqichi qur'asi 13 aprel kuni UYeFAning Nondagi qarorgohida, soat 17:00da boshlanadi.
Qur'a ochiq tarzda o‘tkaziladi, jamoalar hech qanday savatchalarga ajratilmaydi. Har bir juftlikda nomi birinchi chiqqan jamoalar dastlabki o‘yinlarni o‘z maydonida o‘tkazadi.
Rejaga ko‘ra, qur'ani Kiyev shahrida o‘tadigan Chempionlar Ligasi finali elchisi Andrey Shevchenko olib boradi.
Dastlabki o‘yinlar 24/25 aprelda, javob bahslari 1/2 may kunlari bo‘lib o‘tadi. Final 26 may kuni Kiyevdagi «Olimpiyskiy» stadionida o‘tkaziladi.
