Rossiyada eng ko‘p haq to‘lanuvchi kasblar ma'lum bo‘ldi

Rossiyada eng ko‘p haq to‘lanuvchi kasb dasturchilikdir, deb xabar bermoqda HeadHunter. 2018 yilning I choragi yakunlari bo‘yicha yetakchilar orasidan biznesni rivojlantirish bo‘yicha menejyerlar, tizim ma'murlari va ichki auditorlar ham joy olgan.

Moskvada dasturchilarning oylik daromadi 100-110 ming rubl bo‘lsa, Peterburgda ular 80-100 ming rubl oladi, mintaqalarda esa – taxminan 60-70 ming. Tizim ma'murlari va ichki auditorlar Moskvada xuddi dasturchilar kabi pul topadi, biroq mintaqalarda ularning o‘rtacha ish haqi 40-50 ming rubl atrofida.

Moskva va Peterburgda biznesni rivojlantirish bo‘yicha menejyerlar ish haqi 70-80 ming rubl atrofida, mintaqalarda ularning daromadi 60-70 ming rubldan oshmaydi.

Eng past ish haqi farroshlar (mintaqadan kelib chiqqan holda 20-30 ming rubl), shuningdek ofitsiantlar, oshxona ishchilari, yuk tashuvchilar, omborchilar va sotuvchilarda (40 ming rubldan ko‘p emas).