Angliya Chempionshipining 43-turida «Fulhem» «Brentford» bilan durang o‘ynadi (1:1) va bu natija «Vulverhempton» keyingi mavsumda Premer-ligada ishtirok etishini ta'minladi.
Ayni vaqtda 92 ochko jamg‘arib bo‘lgan «Vulverhempton» turnir jadvalida birinchi o‘rinda ketmoqda. Keyingi o‘rinlarda «Kardiff Siti» (83) va «Fulhem» (82) joylashgan. Chempionat yakuniga yana 4 tur qolgan.
Oxirgi marta «Vulverhempton» Premer-ligada 2011/12 yilgi mavsumda to‘p surgandi. 2012/13 yilgi mavsum yakunida klub Chempionshipdan Birinchi ligaga ham sho‘ng‘igandi, ammo bir yil o‘tib jamoa Angliya chempionatining ikkinchi divizioniga qaytdi.