«Manchester Siti» «Tottenhem»ni yengdi, lekin hali chempion bo‘lmadi

«Manchester Siti» Angliya chempionatining 34-turida «Tottenhem»ga qarshi o‘ynadi. Londondagi «Uembli» stadionida kechgan uchrashuv mehmonlar jamoasi foydasiga hal bo‘ldi - 3:1.

Birinchi bo‘lim o‘rtalariga keliboq mehmonlar 2:0 hisobida oldinga chiqib olishgandi — Gabriel Jyezus va Ilkay Gundo‘g‘an (penalti) bittadan gol urishdi. Bo‘lim oxirida Kristian Eriksen bitta javob goli yo‘lladi, ammo 72-daqiqada Rahim yakuniy hisobni o‘rnatdi.

«Siti» endilikda ochkolari sonini 87taga yetkazgan, «Tottenhem» 67 ochko bilan  Premer-liga turnir jadvalida — to‘rtinchi o‘rinda.

Chempionlikni nishonlash vaqti hali ma'lum emas, agar bugun Manchesterda «MYu» «Vest Bromvich»ga yutqazsa, «Manchester Siti» chempionga aylanadi, yo‘qsa chempionlik masalasi keyingi turga qoladi.

Angliya chempionati
34-tur
Tottenhem – Manchester Siti 1:3 (1:2, 0:1)
Gollar: 0:1 – 22 Gabriel Jyezus, 0:2 – 25, penalti Gundo‘g‘an, 1:2 – 42 Eriksen, 1:3 – 72 Sterling.
Tottenhem – Loris, Tripper, Sanches, Vertongen, Devis, Dembele (Lukas Moura, 73), Dayyer, Lamela (Son Xin Min, 64), Eriksen, Alli (Sissoko, 84), Keyn.
Manchester Siti – Ederson, Uoker, Kompani, Laport, Delf, de Bryuyne (Ture, 89), Gyundogan, Silva, Sterling, Gabriel Jyezus (Bernardu Silva, 76), Sane (Otamendi, 64).
Ogohlantirishlar: Loris (24), Devis (27), de Bryuyne (41), Gabriel Jyezus (45), Kompani (66), Dembele (70), Delf (77).