Ukraina bosh vaziri Vladimir Groysmanning fikricha, mamlakatning MDH bilan hamkorligini to‘xtatish iqtisodiyotga hech qanday ta'sir ko‘rsatmaydi. Siyosatchining so‘zlari «Ukrinform» tomonidan keltirilgan.
«Men bu iqtisodiyotga qandaydir ta'sir qiladi, deb o‘ylamayman», - deya aytib o‘tdi Groysman.
Shuningdek, bosh vazirning qayd etishicha, umumiy chegaralarga ega davlatlarda «qandaydir savdo aloqalari ham bor».
Siyosatchining qo‘shimcha qilishicha, ayni damda Ukraina TIV mamlakatning MDHdan chiqishi bo‘yicha hujjatlarni tayyorlamoqda. Ular keyin vazirlar mahkamasida muhokama qilinadi.
Eslatib o‘tamiz, avvalroq Ukraina IIV rahbari Arsen Avakov Ukraina butun dunyoga Rossiyaga gibridli urushda qarshilik ko‘rsatish bo‘yicha dars o‘tishi mumkin ekani haqida ma'lum qilgandi.
