Telegram va qog‘oz samolyotlar: Messenjer foydalanuvchilarni ommaviy aksiyada ishtirok etishga chaqirdi

Telegram foydalanuvchilarni 22 aprel kuni kechqurun bloklanishlarga qarshi norozilik namoyishi sifatida qog‘oz samolyotlarni uchirishga chaqirdi. Messenjerning servis xabarlari kanalida shunga doir xabar paydo bo‘ldi.

Aktsiya 22 aprel kuni soat 19:00 da o‘tishi ko‘zda tutilgan. 

16 aprel kuni "Roskomnadzor" Telegram messenjerini bloklay boshladi. Taqiqlangan saytlar reyestriga messenjerga bog‘liq sakkiz tarmoq ham kiritildi. Telegram tez orada Amazon, Microsoft va Google bulut servislarining IP-manzillaridan foydalanib, bloklanishni chetlab o‘ta boshladi. "Roskomnadzor" bu saytlar manzillarini ham blokladi, biroq messenjer IP-manzillarini ketma-ket o‘zgartirgan.

Rossiyada 16 aprelning o‘zidayoq qog‘oz samolyotlar bilan bog‘liq norozilik namoyishi o‘tkazildi. Bu namoyish Moskva shahridagi FXX bosh binosi darvozasi oldida o‘tkazildi, biroq bu aksiya  Telegram tashabbusi bilan tashkil etilmagandi. Bir necha namoyishchi qo‘lga olingan, biroq keyinroq qo‘yib yuborilgan.