Marselo Chempionlar ligasida rekord o‘rnatdi

Joriy Chempionlar ligasining 2-yarimfinali 1-uchrashuvida “Bavariya” o‘z maydonida Madridning “Real”iga 1:2 hisobida imkoniyatni boy berdi. Uchrashuvda hisobni 28-daqiqada “Bavariya” o‘yinchisi Kimmix ochdi. Madridliklar bu golga 44-daqiqada Marselo va 57-daqiqada Asensioning gollari bilan javob berishdi.

“Real”ning braziliyalik himoyachisi Marseloning ushbu goli u uchun Chempionlar ligasi pley-off bosqichi uchrashuvlaridagi 7-goli bo‘ldi. U bu borada jamoadoshi Serxio Ramosni ortda qoldirib (6 ta gol), himoyachilar orasida bu borada eng yaxshi to‘purarga aylandi.