Livanda 6 mayda parlament saylovlari o‘tkazilishi munosabati bilan mahalliy vaqt bilan soat 7.00dan mamlakatning barcha hududlarida saylov uchastkalari ish olib borishni boshladi. Ovoz berish soat 19.00gacha davom etadi.
Parlamentdagi 128 ta o‘ringa 583 nomzod da'vogarlik qilmoqda. O‘rinlar milliy-diniy alomat bo‘yicha 11 guruhga taqsimlangan. Misol uchun, sunniy musulmonlar va shia musulmonlariga 27 tadan o‘rin, maronit nasroniylarga esa 37 ta o‘rin ajratilgan.
Livan fuqarolari 2009 yildan beri ilk bor parlament saylovlarida ishtirok etmoqdalar, chunki amaldagi parlament mamlakatdagi siyosiy beqarorlik vaji ostida o‘z muddatini uch marta uzaytirgan.
Saylovlar o‘tadigan kun davomida butun mamlakat bo‘ylab kuchaytirilgan xavfsizlik choralari ko‘riladi. Tartibni ta'minlashga ichki ishlar kuchlari bilan birgalikda armiya bo‘linmalari ham jalb qilingan.
