Rossiya prezidenti matbuot kotibi Dmitriy Peskovning ma'lum qilishicha, bosh vazir Dmitriy Medvedev davlat rahbari Vladimir Putinga yangi hukumat tuzilmasi bo‘yicha hozircha takliflar kiritmadi. Bu haqda RIA «Novosti» xabar bermoqda.
«Hozircha bu ish amalga oshirilmadi», - deya aytib o‘tdi Peskov.
Avvalroq, Rossiya Davlat dumasi Dmitriy Medvedevni bosh vazir etib saylagani xabar berilgandi. Parlamentariylarning 374 nafari (83,1%) uning nomzodini yoqlagan, 56 kishi qarshi bo‘lgan. Ovoz berishda 430 parlamentariy ishtirok etgan.
Eslatib o‘tamiz, joriy yilning 7 may kuni Rossiya prezidenti etib saylangan Vladimir Putin Katta Kreml saroyidagi inauguratsiya marosimida qasamyod keltirdi.
