Buyuk Britaniyada huquqni muhofaza qilish organlari xodimlari kasalxonada qolayotgan GRU sobiq polkovnigi Sergey Skripalni so‘roq qilishmoqda. U o‘z qizi Yuliya bilan Solsberida zaharlangan edi. Bu haqda Sky News xabar berdi.
Ta'kidlanishicha, tergovchilarni Skripalning Londonga tez-tez borib turishi, Solsberida MI6 Britaniya maxsus xizmati sobiq xodimi bilan muntazam uchrashuvlari va xorijiy davlatlarga safarlari qiziqtirmoqda.
Avvalroq, Skripal Estoniya maxsus xizmatlari vakillari bilan uchrashgani ma'lum bo‘lgandi. Bundan tashqari, u Chexiyaga maxfiy tarzda safar uyushtirgan, shuningdek, Birlashgan Qirollik hududida chex maxsus xizmatlari vakillari bilan kamida bir marotaba uchrashgan.
Eslatib o‘tamiz, Rossiya Skripal fuqarolikdan bosh tortmagani haqida ma'lum qilgandi.
