Afg‘onistondagi stadionda portlashlar yuz berdi

Afg‘oniston shimoli-sharqidagi stadionda portlashlar seriyasi yuz berdi, hodisa oqibatida sakkiz kishi halok bo‘ldi. Bu haqda TOLO News telekanali xabar qilmoqda.

Telekanal ma'lumotlariga ko‘ra, portlashlar Nangarxor viloyatidagi Jalolobod shahri stadionida kriket bo‘yicha uchrashuv vaqtida sodir bo‘lgan.

Ta'kidlanishicha, hodisa oqibatida 45 kishi jarohat olgan. Shu bilan birga, halok bo‘lganlar orasida musobaqa tashkilotchisi va Mehtarlam shahri hokimi o‘rinbosari ham bor. 

Eslatib o‘tamiz, avvalroq Afg‘onistonda “Tolibon”ning 300 jangarisi yo‘q qilingani xabar berilgandi.