Rossiya IIV angliyalik ishqibozlarning «uchinchi jahon urushi» haqidagi bayonotlariga izoh berdi

Rossiya Ichki ishlar vazirligi angliyalik futbol ishqibozlarining Rossiyada jahon chempionati o‘tkazilishi vaqtida «uchinchi jahon urushi» keltirib chiqarilishi bo‘yicha bayonotiga izoh berdi, deb xabar qilmoqda «RIA Novosti».

«Rossiya futbol bo‘yicha jahon chempionati vaqtida ommaviy mushtlashuvlar yoki hujumlar yuz berishiga yo‘l qo‘ymaydi, qonunbuzarlar qo‘lga olinadi va deportatsiya qilinadi», - deya ma'lum qilgan RF ichki ishlar vazirining o‘rinbosari Igor Zubov.

Shuningdek, Zubovning aytishicha, Fransiyadagi Yevro-2016 vaqtida kuzatilgan ommaviy mushtlashuvlar yuz bermaydi.

«Angliyalik ishqibozlar jahon chempionati vaqtida «uchinchi jahon urushi»ni keltirib chiqarishlari haqida ma'lum qilishdi. Bu juda kutilmagan bayonot. Fransiyada o‘shanda kuzatilgan ommaviy mushtlashuvlar Rossiyada takrorlanmaydi», - deya qo‘shimcha qilib o‘tdi u.

Eslatib o‘tamiz, avvalroq Rosaviatsiya JCh-2018 ishtirokchi shaharlari uzra parvozlarni cheklagandi.