Suriya AQShni neft konlarini bombardimon qilishda aybladi

AQSh boshchilik qilayotgan xalqaro koalitsiya Suriyadagi neft konlarini atayin bomdardimon qildi, bu mamlakat hukumati ulardan foydalana olmasligi uchun amalga oshirildi. Bu haqda Suriya TIV rahbari o‘rinbosari Faysol Miqdad ma'lum qildi, deb xabar bermoqda RIA «Novosti».

«Ular shunday qilishdiki, endi bu maydonlarda ishni tiklash uchun o‘nlab million dollar to‘lash kerak bo‘ladi», - deya ta'kidlab o‘tdi Miqdad.

Uning so‘zlariga ko‘ra, ayni damda ba'zi neft konlari turli guruhlar tomonidan nazorat qilinmoqda, ular orasida – «Suriya demokratik kuchlari» (SDF) otryadlari ham bor.

«Biz yana bir bora ta'kidlab o‘tmoqchimizki, kurdlar – Suriya xalqining bir qismi. Biz kim bo‘lishidan qat'i nazar – kurdmi, arab yoki aysormi – Suriya manfaatlariga qarshi boshqa davlatlar manfaati uchun ishlashini xohlamaymiz. Men umid qilamanki, ular buni tushunib yetishadi», - deya qo‘shimcha qilib o‘tgan Suriya TIV rahbari o‘rinbosari.

Eslatib o‘tamiz, avvalroq AQSh Suriyadagi kimyoviy hujumlarga Rossiya aybdor ekanini ma'lum qilgandi.