Rossiyada jahon chempionati o‘yinlari davom etmoqda.
S guruhida Fransiya va Avstraliya terma jamoalari bellashdi.
Yevropa vitse-chempioni o‘yinda tashabbusga ega bo‘lsa-da, qiyinchilik bilan g‘alaba qozondi.
58-daqiqada Grizmann penaltidan hisobni ochdi. Unga nisbatan qoida buzilgan vaziyatni bosh hakam payqamay qolgan edi, biroq takroriy videolavhani tomosha qilganidan so‘ng, penalti belgiladi.
62-daqiqada Yyedinak penaltidan hisobni tenglashtirdi. Bu vaziyatda himoyachi Umtiti jarima maydoni ichida to‘pni qo‘li bilan o‘ynagan edi.
80-daqiqada ilg‘or texnologiyalar yana fransuzlarga yordamga keldi. Pogba zarbasidan so‘ng, to‘p to‘singa tegib, darvoza ichiga kirib chiqdi. Golni aniqlaydigan tizim esa to‘p chiziqni kesib o‘tganini ko‘rsatdi.
JCh-2018, S guruhi
Fransiya – Avstraliya 2:1 (0:0, 2:1)
16 iyun, «Qozon-Arena»
Gollar: 1:0 – 58, penalti Grizmann, 1:1 – 62, penalti Yedinak, 2:1 – 80 Pogba.
Fransiya – Loris, Varan, Lyuka Ernandes, Pavar, Umtiti, Tolisso (Matyuidi, 78), Kante, Pogba, Dembele (Fekir, 70), Grizmann (Jiru, 70), Mbappe.
Avstraliya – Rayan, Seynsberi, Bexich, Risdon, Milligan, Lekki, Yedinak, Muy, Rogich (Irvayn, 72), Kruz (Arzani, 84), Nebbaut (Yurich, 64).
Ogohlantirishlar: Lekki (13), Risdon (57), Tolisso (76), Bexich (87).
