Yaponiyada zilzila oqibatida 349 kishi jarohat oldi

Yaponiyaning Osaka va Xiogo prefekturalarida yuz bergan yer silkinishi oqibatida jarohat olganlar soni 349 kishiga yetdi. Bu haqda NHK telekanali xabar bermoqda.

Shuningdek, uch kishi halok bo‘lgani, ular orasida 9 yoshli qizcha va ikki erkak borligi xabar qilingan.

6,1 magnitudali zilzila 18 iyun kuni sodir bo‘ldi. Uning markazi prefektura shimolida joylashgan. Takatsuki shahrida yer silkinishi uyda yong‘in keltirib chiqardi. Bir nechta shaharlarda binolarga zarar yetgani xabar berilgan, temir yo‘l harakati ham izdan chiqqan.

Eslatib o‘tamiz, avvalroq Yaponiyada zilzila oqibatida ikki kishi halok bo‘lgani xabar qilingandi.