Samarqandlik tadbirkor chiqindilar qayta ishlashdan 4 mlrd so‘m ishlab topdi

Polietilen quvurlar, sanoat plyonkalari, maishiy buyumlar ishlab chiqaruvchi «Rustam Plasteks» kompaniyasi 15 yil avval tashkil etilgan. «Samarkandskiy vestnik» nashrining yozishicha, bu vaqt mobaynida kompaniya nafaqat faoliyatini davom ettirishga, balki ishlab chiqarish hajmini kengaytirib, mahsulotlar sotish uchun doimiy bozorlarni topishga muvaffaq bo‘ldi.

Mahsulotlarga qo‘shni viloyatlarda - Buxoro, Navoiy, Qashqadaryo, Xorazmda ham talab bor. Bunga sabab oddiy - hozirgi kunda mamlakatda turli binolar, jumladan, uy-joylar qurilishi tezligi yuqori sur'atdadir. Qurilish bor ekan, qurilish materiallariga bo‘lgan talab ham mavjuddir. Bundan tashqari, sanoat plyonkasi qishloq xo‘jaligi, xususiy issiqxonalar uchun zarur.

Zavod xomashyoning bir qismini «Sho‘rtan» gaz-kimyo majmuasidan (Qashqadaryo) oladi, boshqa bir qismi esa Rossiyadan import qilinadi.

Eng katta plyus - bu yerda chiqindilar qayta ishlanadi. Kuniga 800 kilogrammgacha eski plyonka va plastmassa mahsulotlari. Korxona hududida ishlatilgan sellofan paketlar, plyonkalardan tashkil topgan katta «tog‘ni» ko‘rganingizda, uning rahbarlariga minnatdorlik izhor qilish istagi paydo bo‘ladi - bu chiqindilarning bari hammasi oyoqlarimiz ostida, ko‘chalarda, ariqlarida yotishi ham mumkin edi. Bu yerda esa bularning bariga ishlov berilmoqda hamda u yaxshi daromad keltiryapti.

Bu bilan korxona atrof-muhit muhofazasiga katta hissa qo‘shmoqda.

Rahbariyat biron bir turdagi mahsulotga uchun bozor kon'yunkturasiga bog‘liq bo‘lishni xohlamay, kapital yo‘naltirish va daromad olishning boshqa usullarini izlamoqda.

- Yaqin kelajakda meva va sabzavot mahsulotlarini saqlash uchun muzlatgich qurishni rejalashtirmoqdamiz, - deydi bosh hisobchi Dilshod Rafiqov. - Bu eksportni yo‘lga qo‘yish maqsadi uchun mo‘ljallangan.

Asosiy mahsulot turiga kelsak, hozirda 12 metr kenglikdagi plyonkalar ishlab chiqarishni yo‘lga qo‘yish rejalashtirilgan. Bungacha ularning kengligi 3 metr edi.

Faqat joriy yilning birinchi choragida «Rustam Plastekc» XK 1 milliard 903 million so‘mlik mahsulot ishlab chiqardi. Hozirgi kunda bu yerda 50 kishi doimiy asosda ishlaydi.