Kim Chen In bugun Xitoyga kelishi kutilyapti

KXDR yetakchisi Kim Chen In seshanba, 19 iyun kuni Pekinga tashrif buyuradi. Bu haqda Nikkei Asian Review vaziyatdan xabardor manbaga asosan ma'lum qilgan.

Nashr ma'lumotlariga ko‘ra, Kim Chen In XXR raisi Si Tszinpin bilan 12 iyun kuni AQSh prezidenti Donald Tramp bilan o‘tkazilgan uchrashuvni muhokama qiladi.

Ta'kidlanishicha, Pekinda Kim Chen Inning tashrifidan avval xavfsizlik kuchlarini tayyor holatga keltirish ishlari boshlangan.

Eslatib o‘tamiz, avvalroq Kim Chen In yana bir davlat yetakchisi bilan uchrashishi mumkin ekani xabar qilingandi.