Kim Chen In Xitoyga keldi

Shimoliy Koreya yetakchisi Kim Chen In Pekinga keldi. Yaponiyaning Nihon Television Network telekompaniyasi operatorlari Kimning hukumat samolyotidan tushayotganini tasvirga olishgan.

Parvozlarni monitoring qiluvchi Flightradar24 portali ma'lumotlariga ko‘ra, Kim Chen In Pekinga o‘tgan haftada AQSh prezidenti Donald Tramp bilan uchrashuvga Singapurga borgan samolyotda kelgan.

Kim Chen In Xitoy raisi Si Tszinpin bilan uchrashib, 12 iyunda bo‘lib o‘tgan AQSh-KXDR sammiti va keyingi muzokaralarni olib borishni muhokama qiladi. Tashrif 2 kun davom etadi.

Kim Chen In Xitoyga 25-28 mart kunlari ham rafiqasi bilan tashrif buyurgandi. Bu Kimning 2011 yilda hokimiyatga kelgandan keyin ilk xorijiy safari bo‘lgan. Kim Chen Inning Xitoyga ikkinchi tashrifi 7-8 may kunlari bo‘lib o‘tgan.