Kanada Latviyadagi harbiylari sonini oshirmoqchi

Kanada Latviyadagi NATO bataloni tarkibidagi harbiylari sonini 455 kishidan 540 kishigacha oshirmoqchi. Bu haqda Kanada bosh vaziri Jastin Tryudo Rigada latviyalik hamkasbi Maris Kuchinskis bilan uchrashuvi natijalariga bag‘ishlangan bayonotida ma'lum qildi.

"Kanada Latviyaning kuchli va ishonchli ittifoqchisi bo‘lib qoladi", - dedi u. Shu bois Ottava respublikadagi harbiylari sonini 455tadan 540 kishiga yetkazadi, dedi bosh vazir.
Tryudo shuningdek, Kanada Latviyadagi NATO bataloni rahbarligini 2023 yil martga qadar davom ettirishini bildirdi. Kanadaning NATO guruhiga rahbarligi 2019 yil aprelda nihoyasiga yetadi.

Alyansning 2016 yil iyuldagi Varshava sammitida 2017 yildan boshlab Boltiq mamlakatlari va Polshada to‘rtta ko‘p millatli batalon joylashtirilishi haqida qaror qabul qilingandi. Latviya bataloniga Kanada, Litvanikiga Germaniya, Estoniyanikiga Buyuk Britaniya, Polshanikiga AQSh boshchilik qiladi.

NATOning Latviyadagi guruhi ming kishini tashkil etadi. Uning tarkibiga Albaniya, Kanada, Ispaniya, Italiya, Polsha va Sloveniya harbiylari kiradi. Ottava respublikaga 455 piyoda, bronemashinalari va razvedka vzvodini jo‘natgan.

Avvalroq Rossiyaning alyansdagi doimiy vakili Aleksandr Grushko Sharqiy Yevropada alyans batalonlarini joylashtirish Rossiya-NATO aktiga zid ekanligini bildirgandi.