Yaponiya telefonlar tufayli Rossiyaga protest bildirdi

Foto: Pixabay

Yaponiya yapon hukumati vakillari Janubiy Kuril orollariga tashrif buyurgan vaqtda, sun'iy yo‘ldosh telefonlari musodara etilgani tufayli Rossiyaga protest bildirdi. Bu haqda RIA «Novosti» xabar qilmoqda.

Bu haqda Yaponiya vazirlar mahkamasi bosh kotibi Yesixide Suga Tokioda ma'lum qilgan.

Uning ta'kidlashicha, 22 iyul kuni protest Yaponiya elchixonasi, shuningdek, Yaponiyaning Janubiy-Saxalinskdagi bosh konsulxonasi tomonidan Rossiya TIVga topshirilgan.

Suga ro‘y bergan hodisani «juda qayg‘uli» holat, deb atadi.

Ta'kidlanishicha, Rossiya hududiga sun'iy yo‘ldosh telefonlarini olib kirishga ushbu davlat Aloqa nazorati xizmati ruxsatnomasi talab etiladi. Yaponiyaning «Kiodo» agentligiga ko‘ra, Janubiy Kuril orollarida rus qonunlarining qo‘llanilishi «Yaponiya huquqiy pozitsiyasiga zid keladi».