Aralash jang san'atlari yo‘nalishi bo‘yicha rossiyalik jangchi Habib Nurmagomedov ishqibozlar bilan muloqot davomida irlandiyalik Konor Makgregorga qarshi bahs haqidagi o‘z fikrlarini bildirib o‘tdi, deb xabar beradi allboxing.ru.
Rossiyalikning ta'kidlashicha, bu uchrashuvdagi o‘z mag‘lubiyatini «imkonsiz» deb hisoblaydi.
«Bu imkonsiz, oshna. Umuman noreal. Agar bitta teykdaunni amalga oshirishga urinib ko‘rsam va u nisbatan yaxshi himoyalansa, unda yana 100 marta urinaman. U nima qiladi? U juda epchil emas, kurasha olmaydi, grepplingi yo‘q. Charchaganida, ruhiyat kuchiga tayana olmaydi. Keyin nima bo‘ladi? Uning chap qo‘li juda yaxshi holatda. Men bunga qo‘shilaman. Lekin u nima qila oladi?», - dedi Nurmagomedov.
Eslatib o‘tamiz, avvalroq Nurmagomedov MBAga o‘tib ketish bilan tahdid qilgandi.
