Afg‘onistonda doyalar tayyorlanuvchi markazga hujum qilindi

Afg‘onistonda doyalar tayyorlanuvchi markazga hujum qilinishi oqibatida 2 kishi halok bo‘lgan, 5 kishi jabr ko‘rgan. Mamlakat xavfsizlik kuchlari hujumni to‘xtatishga muvaffaq bo‘lishgan. Bu haqda Tolo News telekanali ma'lum qildi.  
  
Telekanal ma'lumotlariga ko‘ra, voqea Nangarhor viloyatining ma'muriy markazi hisoblangan Jalolobodda sodir etilgan. Jangarilar markazga mahalliy vaqt bilan soat 11.30larda hujum qilgan. Hujum 5 soatcha davom etgan.

Markazning ikki xodimi halok bo‘lgan. Hozircha hujumni necha jangari amalga oshirgani, ulardan nechtasi o‘ldirilgani haqida hech narsa ma'lum emas.