Nurmagomedov: Hozir hech kim meni mag‘lub etolmaydi 

Aralash yakkakurashlar bo‘yicha rossiyalik jangchi Habib Nurmagomedov UFC’ning ikki karra chempioni Jorj Sen-Per bilan ehtimoliy bahs haqidagi o‘z fikrlarini bildirib o‘tdi. Bu haqda tofight.ru xabar bermoqda.

Nurmagomedovning fikricha, hozirda uni mag‘lubiyatga uchratish imkonsizdir.

«JSP - UFC’da qachonlardir ishtirok etganlar orasidagi eng buyuk jangchi. Agarda bizning jang ro‘y bersa, unda u ham men uchun, ham uning uchun juda qiyin bahsga aylanadi. Men UFC’da hech qachon mag‘lubiyatga uchramaganman. O‘ylashimcha, juda qattiq jangchiman. Mening fikrimcha, hozir hech kim meni mag‘lub eta olmaydi, men barcha raqiblarni yo‘q qilaman», - dedi Nurmagomedov.

O‘zining so‘nggi jangida Nurmagomedov El Yakvinta ustidan g‘alaba qozonib, UFC chempioni kamarini qo‘lga kiritdi.

Eslatib o‘tamiz, avvalroq Nurmagomedov Makgregorga mag‘lub bo‘lishi mumkinligi haqida fikr bildirgandi.