«Barselona» «Manchester Yunayted» yarimhimoyachisi Pol Pogba transferiga jiddiy qiziqmoqda.
Tuttosport nashri xabariga ko‘ra, klub texnik direktori Erik Abidal Los-Anjyelesda futbolchi bilan uchrashgan, suhbatda futbolchining Kataloniya klubiga transferi muhokama qilingan.
Nashr xabariga ko‘ra, «Barsa» Abidalni klubni fransuz futbolchilari bilan kuchaytirishi uchun yollagan. Pogba aynan shunday futbolchilardan biri ekani aytilmoqda.
Bundan avvalroq, Pogbaning agenti Mino Rayola «Barselona» klubi vakillari bilan bo‘lgan uchrashuvda, mijozi jamoasini o‘zgartirishga tayyor ekanini aytgan edi. Futbolchining mankunianliklar bilan shartnomasi muddati 2021 yilgacha tuzilgan.
Eslatib o‘tamiz, Pogba 2016 yili «Yuventus»dan «Manchester Yunayted»ga o‘tgan edi. O‘tgan mavsumda u jamoasining 37ta o‘yinida maydonga tushib, 6ta gol urdi va 11 golga uzatma berdi.
Shu yil yozida u Fransiya terma jamoasi bilan jahon chempionatida g‘olib chiqdi.
