Test sinovlarining 2-smenasida qancha abituriyent chetlashtirilgani ma'lum

Test sinovlari o‘tkazilishi rejalashtirilgan Respublikadagi barcha viloyatlar oliy ta'lim muassasalarida test sinovlari 2-smenada davom etmoqda.

Test sinovlari materiallari maxfiyligi va daxlsizligi ta'minlangan holda 2-smena uchun test sinovlari o‘tkaziladigan 57 ta binoga yetkazildi.
Abituriyentlar uchun ichimlik suvi hamda barcha binolarda tibbiyot xodimlarining navbatchiligi tashkil etilgan bo‘lib, ular test sinovlarining 2-smenasini o‘tkazishga tayyor holga keltirildi.

Test sinovlarini adolatli va shaffof o‘tkazish maqsadida Ichki ishlar vazirligi xodimlari hamda nazoratchilar tomonidan nazorat yanada kuchaytirildi.

Bu o‘z natijasini berib, abituriyentlar tomonidan test sinovlariga uyali telefon, va shpargalkalar olib kirishning oldi olinmoqda.

Test sinovlari barcha oliy ta'lim muassasalarida bir vaqtda 15:00 dan boshlandi. Test sinovlarida 17 ta oliy ta'lim muassasalarining 66 ta ta'lim yo‘nalishida 28 ming 518 nafar abituriyent ishtirok etmoqda.
Tezkor ma'lumotlarga ko‘ra 572 nafar abituriyent turli sabablarga ko‘ra test sinovlariga kelmadi.

Test sinovlari tartib qoidalarini buzganligi sababli 44 nafar abituriyent hududga kirish joyida uyali telefon, shpargalkalar olib kirishga va o‘zgani o‘rniga kirishga uringanligi uchun test sinovlaridan chetlashtirildi.

Barcha test sinovlari o‘tadigan binolarda 2-smenada test sinovlari soat 18:30da yakunlanadi.